Narodna pripovest.
(V narečji isterskem).
Bivali su tri brati na nekoj gori, pak jim je ogan) zamoril i ogasnul, ter si ga nisu mogli nikako dobaviti. A znali su, da va istoj gori živi neki starac, ki ima ognja. Zato se odputi naj prija najstareji brat k starcu po ognja. Kada mu pride u kućicu, ga nagovori: „Zdravo starce! dajte mi ognja." A starac mu reče: „Sinko! dat ću ti ja ognja, ako mi poveš: Ca ni bilo, ča neče biti?" A on mu nežna povat, i ta ga klade pod neki čabar. Kada brat ne pride z ognjem, gre sredni glat (gledat), ča je z bratom, i ognja prosit. Ko ta pride k starcu, ga pita za brata i oganj, a on mu reče: povej mi: „Ca ni bilo, ča neče biti? ču ti dat ognja i brata." Al siromah mu nežna povat, i mora k bratu pod čabar. Sada vidši najmlaji brat, da ni bratje ni ognja, se uputi sam k starcu, i pridši k njemu u kučiću reče: „Starce! dajte mi ognja i brate; a starac: Povej mi: Ča ni bilo, ča neče biti? ću ti dat7 ognja i brate." Nato počne mladić govoriti: „Imel san pokojnoga otca brez kersta, pak san posadil jedan bob, i pu njen san šal na nebo, kupil san verč kersta, a ten toga mi je kravica popasla bob, pak nisan rnogal doleka, i san kupil 8tarić mekin, povezal san sve jednu po jednu za moc doleka priti; sada mi je još malo manjkalo, hitil san se doleka i zapičil san se na živu sten, verč san razbil, a kersta nisan prolil; šal san doma, san zel pralicu i bat, i san se vanka znimal, a kad san se znel, san pokojnoga otca kerstil. Dragi starce! daj mi sada ognja i brate." I starac mu je dal ognja i brate.             Zapisal J.  Volčič.
14