166
Narodna povest isterska.
Isukerst i sv. Petar su budili po svetu sčape v rukah a torbe na ramenah noseči, i Bogu se moleči; i pridu neki večer kasno va neku kucu u pustinji i poprose za prenočišče; muza ni bilo doma, a žena njima da mesta za pre-spat. Kade je prišlo jutro, se lipo zahvale na ljubavi za prenočišče, i putuju dalje.
Med ten tega pride muz doma, a žena mu počme praviti, da su bili najco avdeka dva putnika, i oni su u svojih torbah naj berže puno novac (dnara) nosili. ?5Hodi berzo za njima, nemogu još deleko biti, pak jima zemi te novce".
On gre, doteče ih i govori: „Ste li vi oni klatusi, ki ste nočas v toj i toj kuči prenočili?" Oni reku, da su prenočili; on jima reče: „Vi imate novac, dajte mi ih ili z dobrin ili zlin načinon". Isus reče samo: „Brš, bršinkoI #) vari, na!~#*) i oni razbojnik postane vale tovar (osel) i gre za njima, ko pas.
Ko pride Isus i sv. Petar v neko selo, ih počmu ljudi pitati: ako bi prodali tega tovara; a Isus govori, da on ni za prodat, ma za dat za leto dan na mito; on če jesti, ca mu ki da, i nositi, ča mu ki naloži; i tako se pogodi z onim selanon za letno mito za tega tovara, i gre tja rekši da če k letu priti po tovara i po mito.
Kada je prošlo leto, pridu Isus i sv. Petar v ono selo nazada, ter zenm tovara i mito, i putuju proti onoj kuči ovega razbojnika. Ko pridu u kuču, pitaju opeta za pre-spanje; a ona žena ih prime, i spravi njim tovara u dvor. Kada se je v jutre dobro razvidilo, pita Isus ženu: „kade ti je muz?" A ona govori: „tužna ja i žalostna! lani ono jutro, kada ste vi ovdeka prenočili, je još prišal, pak je uekamo šal, i od one dobe ni njega, ni glasa od njega". Isus govori: „Biš li ga poznala, da ti pride". ;?Bože moj! kako nebin ga poznala, da mi pride; ah da bi mi prišal!" Isus reče: pripeljaj mi tovara!" i kada mu ga pripelja, reče Isus: „Brš, bršinko!" ter iz tovara postane na hip njezin muž, pak njoj da ono mito, ča si je on kao tovar prislužil, i njima reče: „Ki hoče beči itnati, neka se za nje trudi i muči", i gre sa svetim Petron dalje po svetu".        J. V.
*) Tako zovu tovara za sobon.   **) Tako se tira pred sobon (od staroslov. besede variti, to je, praecedere, naprej iti.