221
Narodne pripovedke iz Varaždinske okolice.
Nabral M. Kračmanov.
Iz čega se gdo narodi,  vu  onom mora vumreti.
Vu starom vremena,   kad je   krščansko ljudstvo   bilo preganjano,   živel je vu Indiji jeden pobožni krščenik.    On si je odlučil  samostano  živlenje   i   vu   putuvanju   vu   Indiji nameril   se  je   na  jednu veliku   špilju   gde  je mislil da bu svojemu bogu najpovoljneši mogel živeti. Več je prešlo vnogo let da je živlenje vu   samoči sprevadjal.    Jednu večer pak, kad je svoju večernu molitvu izmolil, spravil se je na mehen, (mah), svoju sakdanju postelu, i premišlaval vu sebi i veli: ah   bog   moj,   zakaj   ja   toliko   let   vu   samoči   živim   a   na tvoju svetu veru oblatiti nikoga ne mrem,   kajti   žive duše ni živoga   stvora toliko   let   kak   sem   več   ovde  još   nisem videl.  Vu tam puščenik leže si i zaspi. V jutro zaran stane se i znioli svoju jutrnju  molitvu, ve zapazi   kak jeden mali mišek  z   veselim   pogledom   v   njegovo   duplo   bejži.    Onda veli stari: hvala ti,   bog,   da sem itak jednoga  stvora tvo-jege ovde zapazil.    On  mišek se  je   tak vupoznal s starini puščenikom da pod nikakov način ni ga štel zapustiti. Puno veselja imajuči stari   puščenik neprestano   molil je boga da bi iz   ovoga   mišeka   včinil   devojku.    To   se  je i dogodilo, kajti je stari puščenik to mislil   da bude   barem   vu svojem življenju ovoga stvora božjega   na vse dobro vuveril.    Kad bi več  stari   puščenik   dugo   let   mirno   i   pobožno   z   ovom devojkom dane sprevadjal devojka porasla je vu svoju lepu dobu.    Na to se   pomisli   puščenik:   ha,  ja sem   več star i živel bogu povoljno i kanim živeti, ali ovo božje stvorenje, koje još sveta ni videlo,   greh   bi   bil   da   bi   vu ovi sužnji dolini moralo   sprevadjati   svoje stare   dane,  ja bum ju dal za muza.   Opomene devojku: moja či, ti si več dorasla da bi mogla za moža iti i sveta beloga dalje videti, ar naj  ti to misliti da je ovo svet  gde mi živimo,   znaš   ti da je vu svetu lepih božjih stvorov koje još ti videla nisi.   Odgovori devojka: ha,   hvala ti,   oče,   po tvoji   volji   nek bude vse, neg samo to ti velim da ti meni  po   volji muza   moraš poiskati i to lakvoga stvora božjega koj je naj jakši na svetu. Veli puščenik da oče i na  put se spravi. Dojde do meseca i njemu   božju   pomoč  nazove   i veli:   ti   sjajni mesec,   naj jakši  stvor   božji,  imam   ti jednu čer,   vzemi  ju za ženu. Mesec odgovori:  vkanjuješ se,   kak bi ja bil naj jakši? ja svetim ponoči,   a kak me sunce   dostigne,   vzeme mi svetlost; idi ti k suncu koje je jakše od mene. Ide on k suncu i nazove   mu   božjo pomoč:   ti  svetlo   i jako sunce koje   si zmed stvorov   božjih naj  jakše,   imam   ti jednu čer, vzemi ju za ženu. Sunce veli: oho, zakaj se vkanjuješ? im je od mene jakši i oblak;   kad ja počnem svetiti,   resprestreju se oblaki i zastreju mi svetlost, oni su ti jakši od mene.    Ide on k oblaku i nazove mu božju pomoč i veli:  ti jaki stvor
božji, oblak, ti si na svetu naj jakši, imam ti jednu čer, vzemi ju za ženu. Oblak veli: ha, to ne mre biti, kajti je veter od mene jakši; kad se ja resprestrem po vedrom nebu, dojde veter i mene restrga; idi k vetru, on je jaksi od mene. Onda ide k vetru i njemu nazove božju pomoč: ti jaki stvor božji, ti si na svetu naj jakši, vzemi ti moju čer za ženu. Veli mu veter: ho, starec, to ne mre biti da bi ja bil naj jakši, kajti kad ja pričnem puhati zastiraja me bregi a od druge strani od mene niti niš ne znaju; idi ti k bregu, on ti je jakši od mene. Putuje starec do brega i nazove mu božju pomoč: ti jaki kameniti breg, koj si na svetu naj jakši, imam ti jednu čer za muz da ide, vzemi ju za ženu. Oho starec, odgovori breg, ti se vkanjuješ, kak bi ja naj jakši bil? vidiš ti mene od vsake strani kak sem prevrtan od mišev koji me dan i noč vrtaju; idi ti k mišu, on ti je jakši od mene. Ide on k mišu i veli mu: ti jako stvorenje božje, imam ti jednu čer, vzemi ju za ženu. Miš odgovori: ja bi ju, ali ju nisem još videl, neg dojdi ž njom da ju vidim i onda bum ju vzel. Ide stari puščenik domom i veli: no čerka, ja sem tebi muza našel, hodi z menom. Ovi dva idu i dojdo do mišeka i veli mu starec: evo tvoja žena. Oho, kaj budem ž njom, 'da vu ovu moja malu palaču ne mre? veli mišek. Odgovori devojka: ov bude moj muz i zato ti moli boga da bog mene nazad včini vu mišeka da morem za muza iti. Stari puščenik vidi da drugač ne mre biti poklekne i pomoli se bogu da bi ju bog obrnul nazad na prvu spodobu. I devojka postala je miš i za muza prešla, a stari puščenik je živel do volje božje bogu povoljno videči da, iz čega se gdo narodi, vu onom mora i vumreti.