273
Tri brati.
Narodna pravlica iz nabirke Matija Valjavca **).
Tak su bili tri brati. Vumerl je otec a dela su dobili samo saki jeden hleb kruha, pak su odišli po svetu.
A naj mlajšega su deržali za bedaka pa ga nisu terpiti mogli. Kad bi dalko bili išli, ugladili su, pak veliju bedaku, da naj dade on svoj kruh, da ga pojeju, da, kad bu on gla-den, onda oni njemu svojega daju. Onda njegovoga kruha pojeli su.
**) Ravno v tem jezika zapisana.
Drugi dan išli su dalje, i kad bi ugladili ovi dva brata jeju svoj kruh, a bedaku ne daju nikoj. Ov jim veli: zakaj meni vi ne date kruha kaj bi jel, a vi ste mojega pojeli? Brati mu veliju, ako oče, da mu kaj daju, naj si da oči izkopati, onda budu ž njim prosili i jesti dobili. Ovaj bil je gladen pa si dade oči izkopati, nu brati su ga osta-vili i odišli po svetu. On ni znal ni sim ni tam, i plakal se je, i došle su Vile i spominjale su se: da bi ovaj človek znal, da bi si zorjinum rosum oči namazal, bi odmah pregledal; a ov je to čul i uvek si je hadral z očmi po travi i pregledal je napokon. Dobi jednu posudu i ž njim si je zagrabil zorjine vode i išel je dalje. Zestal je jednog miša, gde se je kotal, kajti bil je slep , i pita ga: kaj je tebi, miš, kaj si tak žalosten? Kak ne bil žalosten, da ni— kaj ne vidim. Namazal mu je oči i taki je pregledal. I mišek mu je zahvalil i rekel: bog ti plati, dok ti ja pover-nem. I je odišel i išel jeden falaček, pak je našel jednu črnelu, gde se je plakala v prahu i kotala, kaj ni imela oči. Pita ju: kaj ti je, čmela, kaj si tako žalostna? Kak ne bila žalostna, da nimam oči i nikaj ne vidim. I ovoj čmeli je takajši namazal oči i pregledala je taki. Ova je njemu ta-kajši zahvalila kak mišek: bog ti plati, dok ti ja povernem. I pak je išel jen falaček i je našel vuka, gde se je skoro zatukel vu šumi. Pita ga: kaj ti je? Kaže: oči mi fale, tako bludim i tučem po dervetju, da se samo ne zatučem, I vuku je namazal oči i ozdravel je, i takajši zahvali: bog ti plati, dok ti ne povernem.
Onda je išel i došel je do grada, gde su njegovi brati služili. I on je onde dobil službu, kaj je ovce pasel. I ovi brati su njega poznali, i jenkrat, kad je ov odišal na pasu, nalagali su njegovi brati gosponu, da je rekel, kaj bude se žito jednu noč zmlatil. Gosponu se lepo vidilo to , i kazal je njemu da, ako ne bude to načinil, da bude vumorjen. On se plača pak ide van. Dojde mišek pak ga pita: kaj ti je? Ov mu se pove. Onda mu miš veli: ti se nikaj ne boj, samo idi spat, to ti se bude do jutra gotovo. Miš je samo zacvilil i dojde toliko mišov, da je se bilo gotovo. Dojdeju brati vidiju, da je se gotovo, i vidi gospon i vesel je bil. Onda ovi njegovi brati neznajuči, kaj bi pak rekli gosponu, veliju, da je rekel, da bude do jutra cirkvu iz vojska zazidal. Onda on dojde dimo, pak mu poveju, ako ne bu napravil, onda bu glavu zgubil. Onda je išel na travu i plakal se je i dojde čmela i veli mu, da naj ide spat, da vre prež njega napraviju. Onda dojdeju puno čmel i su iz vojska napravile cirkvu. Ponoči se je gospon stal i prestrašil, da je se svetlo bilo, i poslal po inoša in pelal ga dole vu cirkvu, i oltari i se je bilo gotovo, i Jezus, Marija i Josef na velikem oltaru. Onda kazali su brati gosponu, da je rekel, da bi toliko zverine dotiral, da ne bi v njegovom dvoru stale. Opet mu veliju kakti predi, da, ako ne bude to načinil, bude vumorjen. On se plače, dojde vuk i mu veli: nikaj se ne boj, to bude se načinjeno. Ja vre v jutro doteram, a ti mene počekaj vu jutro v zorji. I tako je bilo. Vuk dotera puno zverine. Ov ga počeka i vuk mu kaže, da naj sedne na njega. A gospon videči toliko zverine, maše z rukum, da je dosta, da ne treba je terati. A vuk kaže: samo teraj. I zverad razdrapala je njegove brate, a gospon je njega vu svoju hišu pozval i pital, kak je to on se včinil. I je povedal, kak su mu brati kruha pojeli, kak su mu oči izkopali i ostavili ga. I gospon mu da svoju hčerku za suprugu, i načinili su gosti, i ja sem tam bil, i još dan danes rad idem tam, gde su gosti. Ta nek ide v koš gde jih ima još.