273
Kratkočasno berilo.
Laž i prilažič.
Narodna pravlica iz nabirke Matija Valj a v ca *).
Jenput bili su dva Jjudi laž i prilažič. Išel je jeden vu kerčmu i zamoli zajtlek vina. Kermar vpita ovoga človeka, da jim kaj novoga pove. On jim veli: ja sem videl jednu kokoš , koja je stala z jedrnim nogum na onaj kraj Save a z drugum na onaj kraj Mure, te onak iz Drave vodu pila. A ljudi, koji su bili vu kerčmi, kažeju , da je to ni istina. On odide. A kad bi prilažič došel i on tak zamoli zajtlek vina i oni pitaju ovoga, i on jim kaže, da je vidil tak veliko jaje, kaj su morali kovački detiči razbiti, i kad bi oni razbili, mam su devet melinov mlelo, tak su oni odma rekli, da je ona kokoš iznesla ono jaje.
Onda laž išla je vu drugu oštariju, te zamoli, da joj daju jen zajtlek vina. Opet ju pita kerčmar, da jim kaj novoga pove. Onda jim veli, da je vidil takvoga korena, gde su tri nakovali bile i kod saka nakovali je sedem de-tičov kovalo. I oni su ni veruvali. Kad bi bil došel prilažič a on jim kaže, da je videl takov list od zelja, kaj je pod njim sedem kol stajalo. Vozda su si mislili, da je onaj koren od ovoga pera.
Opet laž dojde vu drugu oštariju i veli jim , da je vu onoj pokrajini nekoliko pošt morja izgorelo. Oni su mu opet ni veruvali. Dojde opet prilažič, a oni mu veliju, da je tu bil jen človek, koj je kazal, da je nekoliko pošt morja izgorelo. A on odgovori, da on ne zna, neg to sam vidil, da je čuda foringasov pečenih rib peljalo. T vezda su mislili, da je istina, da je morje pogorelo.
*) Zapisana kakor se slovenski jezik govori v okolici Varaždinski.